Información e normas

• Aconsellamos traer calzado cómodo (os camiños son de terra), gorra e protección solar.
• Existen portas rápidas de saída e un número de teléfono no ticket de entrada por se alguén precisa axuda.
• Fóra do labirinto atoparedes un quiosco con terraza sombreada, merendeiro, aparcadoiro gratuito e aseos.
• Os menores de 13 anos entrarán acompañados por un adulto.
• A última hora de acceso é ás 19:30 (remate da venta de entradas), pechando o labirinto ás 20:30.
• A compra de entrada conleva a aceptación e cumprimento das normas do Labirinto de Breoghán.
• Resérvase o dereito de entrada.
• Abrimos independentemente da climatoloxía, os chuvascos na primavera e verán non adoitan ser persistentes.
• Tárdase de media uns 40 minutos en completar o percorrido.
• Para gozar plenamente da experiencia recoméndase non empregar trucos. O uso de trucos é incompatible co xogo que cada tempada plantexamos.
• As mascotas sempre son ben recibidas. Han de levar correa e bolsa para as súas necesidades (e boceira se así o estipula a lei).
• Para chegar en autobús consultar na compañía de transportes ARRIVA.
• Estamos á beira da Casa do Concello de Vilarmaior.
• Recomendamos vir dende o centro de Miño, o resto de estradas presentan moitas curvas, pendentes e é doado perderse.
• As reservas son só para colexios e campamentos.
• As entradas véndense no quiosco que atoparedes xunto á entrada do labirinto.
• Desaconsellamos a entrada de cadeiras de rodas sen acompañante e non motorizadas.

Entrada estándar 5€ (nenos de 12 anos e maiores)

Entrada reducida 3€ (nenos de 7 e ata 12 anos)

Entrada gratuita para nenos menores de 7 anos

Pódese pagar en efectivo ou con tarxeta

Non é necesario reservar. As entradas véndense no quiosco que hai xunto á entrada ao labirinto.

As reservas para colexios e campamentos xestiónanse a través do correo electrónico.

O noso horario é continuado de 12:00 a 20:30 (a venda de entradas remata ás 19:30).

A tempada comeza sempre o sábado véspera de Domingo de Ramos e remata o 12 de outubro (ponte do Pilar)

Abrimos os sábados, domingos e festivos excepto en xullo e agosto que abrimos de martes a domingo, e pechamos o luns por mantemento, salvo que sexa festivo.